This page is intended for users in Hong Kong. Go to the page for users in United States.

Wantedly Journal | 仕事でココロオドルってなんだろう?

Job seekers

見工成日食檸檬,點算好?

When life gives you lemons...

2018/05/10

見工俾面試官派檸檬,就好似俾心儀嘅對象派好人卡:

  希望你嚟緊搵工一切順利啦 = 不如我地繼續做返朋友

俾人請食檸檬,唔好受就一定㗎啦,但係原因唔一定係你唔夠好。經一事長一智,試下將呢啲收到既檸檬視為你將來成功嘅養份,學吓點樣「從錯誤裡吸收」經驗啦!

「人總需要勇敢生存」

有無試過見完份工返到屋企,係咁諗住自己做錯/做少左啲咩,然後不斷係度諗點解間公司要 reject 你?

唔使驚,你會咁諗都正常嘅。

呢種現象叫 negativity bias,係人類自古以黎流傳落黎既狩獵本能。為左求生,好耐以前既人類需要將注意力放係啲負面既事情上面。你之所會咁唔開心,係因為你緊張件事,想做到最好,咁其實係一件好事黎!如果你可以將呢份心意用喺改進自己身上,下一次面試可能就係你成功嘅機會啦。

 Make Lemonade!
Designed by Oleksandr Drypsiak

俾人 reject,其實係思考下次點樣做好啲嘅機會嚟。搵出今次嘅「死因」,分辨出咩係自己控制唔到嘅嘢,剩低嘅就係你可以改善既部份。

唔係你控制範圍嘅事情包括:其他見工者嘅表現、interviewer 對你嘅主觀感覺、甚至佢當日嘅心情 —— 講到尾 HR 同 Manager 都係人嚟嘅。

至於你自己掌控得到嘅係個人形象、人際網絡、同埋你 present/sell 自己嘅方式。不論你睇書、上網、定係搵個 mentor 從佢身上學習,你總可以搵到一套啱自己嘅方法。Practice makes Perfect!

其實食檸檬又有咩好怕喎

天涯何處無芳草,其實大家心裡面都知呢個世界唔係得 reject 你果間公司請緊人。既然係咁,不如集中去 apply 下一間公司、做 research,寫 cover letter… 俾返個 momentum 自己重新振作!你呢一刻可能好攰,但到你真係搵到一間兩邊都「情投意合」嘅公司,你就會多謝之前屢敗屢戰、不斷吸收經驗嘅自己㗎啦!

記住,好多時公司唔請你,唔係因為你唔夠好。所以俾啲信心自己,俾多啲人認識你;Visit 多啲唔同既公司,可能下一次 Visit 就會遇到你嘅 Dream Team!


. . .

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過27,000間公司使用Wantedly,每月活躍用戶達到250萬個。我們的服務已拓展至新加坡,現在更進駐香港!

入嚟睇吓我地嘅搵工平台有咩唔同啦:
👉 http://wantedly.com/projects

下一編

Page top icon