1
/
5
This page is intended for users in Hong Kong. Go to the page for users in United States.

【Yubo Trading大揭秘】③ 錢係緊要,但唔係大哂

撰文:Wantedly編集部

當大家見到個標題嘅時候可能會諗:超,係人都知啦。但喺呢個間間公司都想賺到盡嘅社會,又有幾多間會好似Yubo Trading咁將大部份賺到嘅錢擺返落間公司度?所以今次筆者就要同其中一位co-founder Jason傾吓點解佢要咁做。

▲收工梗係chill吓先啦~

「一個人點搵得哂啲錢」

問到Jason點解要開呢間公司嘅時候,佢都好直接咁講:「搵錢囉,本身都係做開trader,咁與其係幫公司搵錢,點解唔幫自己搵錢?」人望高處,Jason有呢個想法自然好正常。

但講到搵錢,點解佢又會投放咁多錢落去公司,又會對一班staff咁好呢?佢好快就「秒殺」咗筆者:

「我自己都打過工,係人都會想公司同上司對自己好啲,再加上如果你要班同事同你一齊「搏殺」,佢哋返工返得唔開心又點會productive?所以無論係買equipment嘅錢又好、使喺班同事身上嘅福利又好,對我嚟講都係投資嘅一種。」

而Yubo Trading作為一間做proprietary trading嘅公司,Jason覺得呢個選擇最好嘅就係鍾意點用啲錢都得,所以只要班同事有啲咩需要,Jason同埋另外兩位co-founder都會盡量去滿足大家。

▲講到equipment,呢部睇落成個夾萬咁嘅Mac Pro就已經使咗Yubo 6位數字。

「人少又點搵得多錢?」

既然公司而家都已經搵咁多錢,點解Jason又要請多咁多人入Yubo Trading呢?

「因為公司而家個規模仲係細,就算你captital幾大都好,都做唔哂咁多個markets同products,所以先要請人入嚟一齊做大間公司佢。」

但係講到trading,十個有九個都會想入大公司㗎啦,點解又要入嚟Yubo Trading呢?呢個時候Alex呢個intern就加把口入嚟:

「反而我最鍾意就係Yubo Trading規模唔大,變咗我可以第一身喺啲co-founder身上學嘢,嗱真係唔係擦鞋呀吓,但係喺呢度返工每日都學到超多嘢,由公司個model去到技術上點操作,每日返工都有好多intellectual challenge,有時會做到我自己都唔記得夠鐘收工。」

聽完呢位「受害者」嘅證供之後,Jason自己又點諗呢?

「我諗第一樣一定係會有好多exposure,喺大公司做嘢,好多時你都只係負責做execution,根本唔會知道公司嘅strategy或者做每個決定背後嘅原因。喺呢度就正正相反,喺你execute嘅時候同時間都會知道公司點解要咁做,而班同事又可以畀意見,覺得邊度好、邊度唔好。」

始終人都係現實嘅,咁如果要講返啲實際嘢又點呢?Jason就話:

「咁呀……第一就係呢度出手一定唔會低先,人工方面我哋一定唔會畀得低;其次就係呢度唔准OT,大家都一定要準時收工,因為我覺得要OT其實係公司責任嚟嘅;再唔係就係啲open bar、gym membership、進修又會有sponsorship咁,基本上班同事要啲咩,公司都會盡量畀大家。」

生存喺呢個商業社會,試問又有幾多間公司會對班員工好,更何況畀佢哋表達自己嘅言論自由?如果大家睇完Yubo Trading呢一系列嘅訪問,又想搵間好公司、搵班好同事,Yubo Trading絕對值得你嘅「投資」。

總共三個role喺下面,睇吓邊個啱你啦!💨

想睇返之前嗰兩集?👇🏼

Yubo Trading's job postings
If this story triggered your interest, go ahead and visit them to learn more