撰文：Wantedly編集部

講起學coding，你諗起嘅第一句說話係：「呢個係男仔嘅世界，唔關我事？」；定係「好似喺度打外星文咁，好難喎……」？的而且確，普遍都比較少女性從事IT行業，但今次同大家介紹嘅兩位朋友仔就有膽量喇！佢哋直頭辭咗份工，參加Wantedly同Xccelerate合作嘅Women in Tech programme，上緊為期4個月嘅full-time coding bootcamp，即管睇吓Rachel同Mika有咩分享啦！

點解走去學coding？

Mika同Rachel就覺得，無論你將來係想創業定係為咗興趣，應用嘅範疇都好大：就好似website、mobile app、定遊戲設計都要運用到coding，仔細睇已經充斥喺你嘅日常生活入面。

事實上，華爾街日報之前就有提到，programming將會係二十一世紀員工嘅必備技能。喺2020年全美國最佳職業頭十，有70%都同coding息息相關，包括data scientist、software developer、UI/UX designer等等，都必須具備coding技能。

▲ Coding絕對係一個考驗耐性嘅工作！

點解揀咗Xccelerate bootcamp？

好似Rachel之前曾經有喺tech公司做野嘅經驗，雖然識得一啲basic knowledge，但距離入tech呢行仲係有一段距離。佢參加bootcamp就係想鞏固返一啲基礎概念。

而Mika係希望透過bootcamp攞到張tech industry嘅入場券。畢竟，coding係一個易學難精嘅專業，單憑四個月嘅課程就可以學晒所有嘢係冇可能嘅。

佢哋bootcamp入面會專注去做幾個project同一個網站，筆者睇過佢哋兩個capstone project嘅作品都好surprised。雖然只係一份功課，但一手包辦晒front end同back end嘅成品都唔喺小兒科。

▲ Rachel嘅作品－Instances

Mika整咗一個food recipe嘅website教人地點樣煮餸，而Rachel就整咗一個俾users約人join唔同活動嘅website，例如一齊去行山、睇展覽，無論幾即興都可以搵到人陪自己，要認識新朋友就一啲難度都冇啦！

其實有好多人都會對coding有恐懼，包括筆者。但試想像，如果你學識呢個技能，就真係「打跛腳都唔使憂」喇！

學識coding要具備咩特質？

有少少概念嘅人都知道，coding就係打一大篇代碼入電腦，而呢個過程係好考驗耐性同埋專注力，因為打多咗一個字，甚至係打少個符號，成個programme都有機會run唔到㗎。Mika就話：「識得點樣調整自己嘅心態係最重要嘅！」

佢哋有次為咗做project，成team人仲試過喺Xccelerate個課室通頂「揼code」，雖然係chur但至少做得開心！至於喺bootcamp最大嘅得着，就係識到一班對tech industry都好有熱情嘅同學仔，知道coding呢條路並唔剩係得自己行緊！就算係女仔都好，只要想做都一樣做得到！

▲ 唔知佢哋講咩笑得咁開心呢？

被問到女仔入tech industry會唔會洩底啲，Rachel補充：「吓，我覺得仲著數咗喎，因為而家tech industry主要係男性主導，好多公司為咗gender diversity都會想請多啲女性嘅developer，就好似我雖然仲未畢業，但舊公司都已經叫我grad咗就返去做。」

筆者想講：幫佢哋做完interview，自己都有興趣想接觸下coding。尤其呢兩年大家都不斷討論緊移民，但究竟點樣先可以成事？去到又搵咩工好？其實仲有好多實際嘢要考量。可見嘅係全世界都好需要coding嘅人才，學識coding搞技術移民都係一個唔錯嘅選擇。去到今時今日，唯有不斷增值同裝備自己，先有更多選擇嘅權利同機會，唔知coding你又啱唔啱呢？

Women in Tech Scholarship嚟到第三round啦，有興趣就click下面睇吓啦！👩🏻‍💻