This page is intended for users in Hong Kong. Go to the page for users in United States.

【Wantedly好工】投身教育界就只能夠做老師?

筆者想當年讀英文系嘅時候,曾經都有諗過行教育呢條路,希望可以教好啲小朋友,老土啲講句:以生命影響生命。但老師有幾慘真係人盡皆知,當你想影響一班學生嘅時候,分分鐘真係做到連條命都冇埋。

有位做緊中學老師嘅朋友曾經講過:「老師其中一個職責其實係『湊客』,校長係客、家長又係客、就連啲學生都係客,一個唔小心畀人投訴你就係咁先。」

所以「受氣包埋喺份糧度」呢句說話,老師呢個職業可以話係其中一個代表。

講咗咁耐,其實筆者都只係想講,教育呢一個「行業」(事關筆者唔覺得佢係一個行業),並唔只係得老師呢條路可以行。

而今次筆者想介紹嘅就係教育燃新(Ednovators)呢間NPO,或者大家都可能唔係好認識呢個組織,但其實佢哋由2015年開始已經默默咁推動緊香港教育嘅改革。

只要大家去佢哋個官網(https://ednovators.org/media/)睇睇,就會見到Ednovators搞過大大小小嘅programme,對象包括學生同老師,主題由藝術、文化,去到今時今日嘅VR (Virtual Reality),就連Minecraft都有。

其實講咁耐嘅其中一個原因,都係因為Ednovators請緊人啫,如果有興趣投身教育界,又想搵其他路行嘅話,就click入去啲job posts度睇吓啦!

(或者大家(包括筆者)都會被已有嘅框框局限咗對事情嘅睇法,就好似投票根本唔會改變到啲咩、熱心教育就只有成為老師,但好多時只要退一步、望一望,睇嘅嘢都可以好唔同。)

Wantedly, Inc. (Hong Kong)'s job postings
2 Likes
2 Likes
If this story triggered your interest, go ahead and visit them to learn more