This page is intended for users in Hong Kong. Go to the page for users in United States.

【抗疫手記】被炒、被no-pay leave應該點算好?

如果大家有睇新聞,都知香港失業率已經去到4.2%,好多公司都有炒人同逼員工放冇薪假嘅情況,雖然好多時大家都覺得只可以「硬食」,但其實事情唔一定係咁差,等筆者分別講清楚。

No-pay leave

合法權利

根據立法會CB(2)1949/02-03(01)號,放冇薪假係需要僱員嘅同意。

換言之,如果你被逼放冇薪假,而份contract本身又冇講明僱主可以單方面作出呢個安排:「僱主有責任依據僱傭合約而履行支付工資予僱員的責任,僱員有權按照僱傭合約向僱主追討該段無薪假期的工資。」

所以,當你面對呢種情況嘅時候,記得第一時間睇返份contract有冇相關條款,如果冇的話,你就有權:

1. 唔接受放冇薪假
2. 要求僱主畀返完整嘅月薪你

Wantedly小貼士:

當你同你老闆傾嘅時候,就算知道佢點解叫你放冇薪假都好,你都可以問:

- 呢個情況會去到幾時?
- 公司嘅財政健康
- 放冇薪假對你工作上有咩影響?(好多僱主都逼人放冇薪假,但工就要照返)
- 管理層係咪都放冇薪假?唔係嘅話有冇減人工?
- 公司有咩計劃去面對呢個市況?

同時間你都可以問自己:

- 究竟老闆係咪搵自己笨?
- 公司究竟有冇能力克服呢個疫情?
- 如果被逼放冇薪假甚至冇糧出,經濟上自己可以生存幾耐?
- 如果要轉工,自己想行一條點嘅路?

被炒

有啲比較古惑嘅老闆,當炒咗你之後就會叫你用啲AL (annual leaves)去抵銷通知期,咁就可以出少啲糧畀你。

記住,除非contract上面寫到明佢有權咁做,如果唔係你係可以照樣返足通知期,佢要畀足份糧你之餘,仲要畀埋AL嘅人工你,勞工法例有寫到明,有興趣可以去呢度睇。

所以當你老闆決定要炒你嘅話,而你又決定返足通知期嘅時間,唔放埋啲AL,你總共會收到:

1. 通知期嘅人工
2. AL嘅人工

唔知大家有冇睇今屆金像獎個【預告】,裡面有句對白:「如果我們已經很努力/這個世界還是沒有變更好/怎麼辦?」

其實筆者都畀唔到答案大家,唯一可以幫到嘅,就只係時不時畀啲tips大家之餘,再希望可以一齊捱過呢段咁黑暗嘅日子。

Wantedly, Inc. (Hong Kong)'s job postings
If this story triggered your interest, go ahead and visit them to learn more