【搵工之必要】④講「人話」點幫你見工?

話咁快就嚟到2020年,如果大家尋晚有睇「叱咤」的話,相信都知道《人話》呢首歌成為咗今年嘅「我最喜愛歌曲」,但筆者今日並唔係想寫娛樂版,而係想透過一兩句歌詞,解釋吓見工講「人話」嘅重要性。

/真相早已失了蹤/

因為Wantedly最近請緊人嘅關係,筆者都有參與少少interview嘅過程,而好多時筆者發覺唔少人會因為想包裝自己,而講啲不盡不實嘅說話。

例如當大家傾緊自己以前嘅experience,可能好多時都會停留喺講緊自己做咗邊啲邊啲嘢,咁但係當你冇「真相」去支持自己講嘅嘢,咁人哋又點樣相信你呢?(當然你都可以喺CV度寫返出嚟啦)

筆者認為,無論係做人也好、見工都好,誠信係非常緊要,當你本來就冇呢啲經驗,但又為咗包裝而講啲虛構嘅achievements嘅時候,就算畀你瞞天過海,到最後都只會係「紙包唔住火」。

既然係咁,點解唔誠實啲講自己冇相關經驗,但一路都有自學相關嘅tools或者course呢?一嚟又可以show到自己有心去做,二嚟又唔需要怕畀人拆穿,你話係咪呀哈姆太郎?

/最重要是過程缺乏証明/

而當傾到如何achieve到你所講/寫嘅results嘅時候,你點樣去prove你講嘅嘢都好緊要,最基本例如記者有記者證、first aid又會有急救牌。

所以被問到你嘅相關經驗,最緊要將個過程或者例子講清楚,例如你喺Google Ads做咗啲咩optimization,於是出咗啲咩results出嚟。

如果你每次都係同人哋打「口水戰」嘅時候,就只會變成好似某職業嘅人出示唔到委任證嘅情況一樣,咁又叫人點信你呢?

當然,每個人喺interview嘅時候都會想好好咁表現自己,令到間公司考慮自己,甚至覺得自己係「零死角」嘅candidate。

但欣宜都話過畀大家知《無人完美》啦,與其要勉強自己,扮演一個人哋心目中嘅“perfect candidate”,不如做自己講返句人話,反正你都唔會知間公司對“perfect”嘅定義,只要見工盡咗力,對得住天地良心,之後嘅事亦只好聽天由命。

Cover📸:方皓玟 - 人話
Wantedly, Inc. (Hong Kong)'s job postings

Weekly ranking

Show other rankings
If this story triggered your interest, go ahead and visit them to learn more