This page is intended for users in Hong Kong. Go to the page for users in United States.

【筆者身世大揭秘】① ── 係咪行緊自己嘅路?

世界紛亂如此,筆者能夠做嘅其中一樣嘢就只係替大家分憂,至於點解會同大家講工作呢?除咗因為係人都要返工之外,事緣係一個老朋友嘅message。

我同呢位中學同學識咗10年有多,而佢一直都好有目標:考完DSE讀BBA,讀完BBA就入「big 4」,到而家做咗幾年考埋個牌已經搵差不多4萬蚊一個月,可以話係平步青雲,「錢」途無限。

相信大家都會同筆者一樣咁諗,誰不知佢早排 Whatsapp我:

😭:幫我轉工ok?
👨🏻‍💻:咪玩啦大佬,無啦啦你轉乜工呀?
🤦🏻‍♂️:轉乜_都好啦,反正都唔係做緊自己想做嘅嘢,都係為咗生存姐。
👨🏻‍💻:你捨得份糧先講啦。

詳情就唔再講落去啦,因為成件事嘅重點就係「唔係做緊自己想做嘅嘢」,而當見到朋友都係咁嘅時候,筆者就決定寫寫自身經歷出嚟(連cover都係自己影㗎),希望可以畀到啲方向大家。

筆者高中讀Bio、Chem、Econ、M2,但考完DSE之後其實係想讀文學,咁點解中學要揀埋啲「九唔搭八」嘅科?無非都係身邊嘅人一直講:「讀理科一定有用啲啦!」、「讀理科揀大學多啲科會加分喎~」等等。

所以唔知大家有冇發覺一件事:其實我哋好多時都唔係行緊一條自己想行嘅路,而係人哋想我哋行嘅路,又或者係覺得我哋應該行嘅路。

結果得償所願讀到英文系,開開心心過咗4年,就要面對呢個咁殘酷嘅社會,重點嚟啦:搵工?搵咩工先得㗎,都唔知自己鍾意做咩……於是畢咗業之後,一口氣試過好幾份工: News Editor、補習、Customer Service Executive,真係要乜有乜。

但做極都好似唔多知自己想做咩咁,而兩老又一直話去考政府工呀,身邊嘅朋友又話做老師穩陣呀,到最後都係冇結論……

為免大家唔會「too long didn’t read」,筆者就講到呢度先。唔知大家畢業之後嘅迷茫係點呢?又試過幾多份工呢?有興趣可以喺Facebook或者Instagram留個comment,等筆者都可以了解吓大家嘛。

想搵住工嚟諗?🥺

Wantedly, Inc. (Hong Kong)'s job postings
1 Likes
1 Likes

Weekly ranking

Show other rankings
If this story triggered your interest, go ahead and visit them to learn more