This page is intended for users in Hong Kong. Go to the page for users in United States.

【好懇想轉工】一唔啱聽就FIRE!?

作為一個打工仔,相信其中一樣最怕嘅就係被fire,除咗會影響見工之外,仲會分分鐘冇埋條命仔(手停口停吖嘛),筆者今次就想同大家講吓曾經被fire嘅經驗。

老闆係一種好有趣嘅生物,好多時你以為佢唔夠膽fire你嘅時候,佢偏偏就會喺毫無預兆吓做呢件事,仲可能一次過fire好多個人,因為佢有嘅喺權力。

筆者想當年初出茅蘆,好多時講嘢都會好衝、好直接,只要覺得唔啱嘅就一定會講。因為由細到大,老師同屋企人教嘅都係要「講道理」,只要道理喺自己嗰邊就一定唔會輸。

但出到嚟社會先知道原來事情唔係咁簡單,如果將「道理」同「權力」擺埋一齊,永遠都只會係「雞蛋與高牆」。

喺呢個社會,唔係個個老闆都想「為件事好」,唔係個個老闆都會同你「和平理性」咁去討論。當年筆者經常同老闆理論,但好多時最後聽到嘅都係「總之你照做啦」。

結果,喺三個月probation完結嘅時候,老闆當時咁講:「我諗我哋都係暫時冇辦法繼續合作落去。」如此這般, fire。

好嘅老闆會聆聽同事嘅意見,好嘅嘢就keep,唔好嘅就改,而唔係亂咁fire一班員工,甚至一日之內fire幾個。

但相信大家細細個都學過「苦口良藥」呢個成語,唔係個個老闆都捱得苦,有啲甚至連八達通都唔識用,仲搞錯地鐵站名。

所以當大家搵工嘅時候,除咗要睇份工嘅本質,盡量了解多啲老闆係一個點嘅人,當然見工嘅時候你唔會知太多,

但「日久見人心」,當你發現佢可能會隨時fire你嘅時候,或者係時候要諗吓搵返個啱自己嘅老闆/公司,因為畀人fire嘅話,蝕底嘅只會係自己。

心郁郁呀?睇睇有咩工啱你啦😏

Wantedly, Inc. (Hong Kong)'s job postings
3 Likes
3 Likes

Weekly ranking

Show other rankings
If this story triggered your interest, go ahead and visit them to learn more