This page is intended for users in Hong Kong. Go to the page for users in United States.

【WantedlyHK團隊特輯】②入得廚房,出得office?

唔好睇Tom個樣白白淨淨,望落好似好細個咁,但其實佢係Wantedly嘅其中一個「開國元老」,佢除咗係我哋嘅Business Development Lead之外,仲係大家嘅「開心果」。

雖然看似樂天嘅佢成日都會令一班同事都好開心,原來佢早喺17歲嘅時候曾經患過腎癌,但佢就覺得/what doesn’t kill you makes you stronger/:「因為呢次經歷,我當年就入咗CU(香港中文大學)讀Biomedical Engineering,目的就係想整返個腎出嚟畀自己,但讀讀吓先知原來唔係嗰回事,諗返都覺得好笑。」喺呢個時候大家可能會諗,咁點解讀完science major出嚟會做sales呢?

想做嘅就做咗先算!

Tom其實同普通嘅「90後」冇乜分別,好多嘢想試想做,而咁啱讀U嘅時候又鍾意咗下廚:「啱啱畢業都唔知做咩好,我又好想學煮嘢食,咁好彩又見到間餐廳請緊人喎,咪膽粗粗問個老闆肯唔肯請我做短工,我又可以順便學煮嘢食,點知佢又真係肯。」於是,Tom埋首西餐廳3個月,由「執碼」做到「水吧」,最後仲真係煮埋嘢食去serve啲客。但發完呢幾個月嘅「廚師夢」,佢都要開始面對現實。

剛畢業嘅佢,喺大學嘅時候又冇做過啲咩intern,見到身邊嘅同學畢咗業都係做research或者sales,而後者又相對易入行嘅時候,佢就抱住「why not」嘅心態入咗行:「當時入咗間細公司做medical sales,諗住可以relate到自己以前讀嘅書,又係一個唔錯嘅環境畀我學吓嘢。同埋老實講,以嗰陣剛畢業嚟講都幾好pay,你sell到幾多個client,就抽返幾多佣,所以一做就做咗兩年。」

但做得越耐,Tom就越覺得「頂唔順」,全因一個字──lonely:「嗰陣公司其實唔夠10個人,而成間公司就得我一個比較後生,所以同公司個culture唔太夾,連溝通都有啲困難。加上我當時要不斷去唔同嘅醫院搵client,所以星期一至五都好似自己一個人去『流浪』咁。」而咁啱佢就喺唔同嘅event認識咗Wantedly當時嘅Country Manager,於是好快就加入咗Wantedly。

細公司轉細公司?Why?

被問到入咗Wantedly之後同舊公司有咩大分別,Tom第一時間就話:「終於都有自己嘅laptop!」當筆者聽完忍唔住笑嘅時候,佢就話:「 我好認真㗎,因為而家呢個年代,電腦有好多唔同嘅tools都可以令到sales做嘢有效率好多,好似HubSpot同Salesforce咁。而且對我嚟講,做sales最緊要就係『自律』,好多嘢都係要時間浸出嚟,例如soft skills需要磨練,pipeline都需要不斷同啲客或者potential client聯絡先會變大,所以科技真係幫到好多。」

「當然Wantedly仲有好多特別嘅地方,例如成間公司都好後生,大家溝通都會容易同直接好多,我喺舊公司嘅時候從來都冇諗過,原來可以同啲同事咁friend。」

講完上面呢堆特點之後,Tom竟然話佢最鍾意嗰樣都未講:「Wantedly喺香港開始咗唔係好耐,就好似張白紙咁,雖然會參考其他國家唔同嘅branch點做,但到最後喺張紙上面填啲咩都係由自己決定,而日本headquarter嗰邊都好放手畀我地去develop,但當然你講嘅嘢都要make sense啦。」

Tom又話自己其實想試product management好耐,所以好多時都會反映好多唔同嘅意見畀總公司,佢都唔會因為屬於Business Development而唔能夠參與討論,大家就可以慢慢了解磨合。

開國元老都「未達標」

作為一個sales,大家都可能會認為Tom嘅「終極目標」係為公司賺幾多賺幾多錢,但到頭來,原來佢一直都係由client嘅角度出發:「我會覺得喺呢間公司嘅goal,係會見到啲client一直都用Wantedly去expand佢哋間公司,甚至介紹埋畀HR circle裡面嘅其他朋友,從而將每間公司嘅故事、文化、背景都show畀所有求職者睇,咁當個candidate決定apply份工嘅時候,至少會比較立體咁了解過間公司,quality都自然會好啲,其實對公司同求職者都係好事。」

但係咪每間公司都肯畀呢份effort出嚟呢?而當公司真係咁做嘅時候,candidates又係咪真係會咁「神心」去了解間公司呢?作為一個sales/educator,睇嚟Tom距離「達標」都仲有一段頗長嘅路。

後記:筆者好奇當初Tom喺英國讀完中學嘅時候,點解要返嚟香港讀CU,佢就話:「其實當時香港同英國都有offer,但其實自己都唔係好留戀UK,所以就返返嚟香港。」而佢都話之後都唔諗住移民返去,就算係都會去加拿大,因為未婚妻喺嗰邊讀書嘅時候就已經好鍾意嗰度,曬死人咩~

未睇之前嘅訪問?🤨可以去樓下喎👇🏼

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!
Wantedly, Inc. (Hong Kong)'s job postings
2 Likes
2 Likes

Weekly ranking

Show other rankings
If this story triggered your interest, go ahead and visit them to learn more