1
/
5
This page is intended for users in Hong Kong. Go to the page for users in United States.

都市感情實錄 ─ Programmer(上)

撰文:Chun Lung NG

「如果你部電話同我一齊跌落海,你會救邊個先?」Cally時不時都會好似講笑咁問呢類問題,但唔代表佢真係講笑,佢只係想小心翼翼咁提下David佢嘅存在。

「咁梗係你啦,電話跌咗落水邊有得救㗎?救咗你先再去買過部囉。」David答。

Cally都唔知好嬲定好笑,點解佢一開始鍾意David都只係因為呢個特質──真心。David講嘢同諗嘢都一樣咁直接,從來都唔會轉彎抹角或者呃呃騙騙,所以Cally同佢一齊覺得好安心。

但David係一個「機不離手」嘅人,名符其實嘅「低頭族」,唔講仲以為手機係佢第三隻手掌。由中學開始玩「轉珠」到而家嘅「食雞」,大大小小嘅手機game佢都玩過,「課金」嘅錢分分鐘夠佢同Cally飛幾次歐洲。

今日係佢地拍拖3週年,Cally特登book咗間餐廳,想同David好好咁傾下呢個問題,但一坐低嗌好嘢食嘅時候,David又拎左部手機出嚟。

「其實你打少陣機係咪會死?我只係想收咗工之後,可以同你一齊傾吓偈啫,咁都好難咩?」Cally忍唔住問。

「bb呢隻game唔停得㗎,你等多陣,好快就完㗎喇呢場,你睇吓,個圈又收啦。」David對眼冇離開過個mon咁答。

呢個問題其實一直存在,但Cally一直都冇直接同David講過,一來佢知道David真係好鍾意打機;二來佢唔想咁霸道,搞到David想收工打機放鬆吓都唔得。但亦都係因為咁,所以David一直都唔覺得自己有問題,佢只要一有空檔,例如等嘢食、搭巴士、又或者係睇戲前,佢嘅「指公癌」就會發作,直至聽到二汶唱「唔該熄咗你個電話啦」先會收埋部手機。

Cally一手伸過去,收埋佢部電話嘅同時,啲嘢食都剛剛好到,佢同個waiter呢組動作可以話喺「零水花」嘅配合:「快啲食啦,好快凍㗎啦。」

與此同時,David面色一沉,就好似《少林足球》裡面個「醬爆」咁:「我都話呢場好快完,玩埋呢場我咪陪你囉,點解你係都要收埋我部電話咁幼稚呢?幾歲呀而家?」

「對唔住,畀返你啦咁。我去一去洗手間先。」Cally笑住咁講,然後起身拎埋個袋,就冇返去間餐廳。

而當David玩完嗰場之後,佢先發覺對面個位已經冇人喺度,而Cally都冇聽佢電話。

「你去咗邊?」David send咗個Whatsapp問,而個message嘅右下角只係得一個剔。


圖片來源:《春嬌救志明》

下回 ⏩

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!
Wantedly, Inc. (Hong Kong)'s job postings
If this story triggered your interest, go ahead and visit them to learn more