This page is intended for users in Hong Kong. Go to the page for users in United States.

邊個話香港嘅大企業就一定「食古不化」!?

撰文:Wantedly編集部

相信好多人都同筆者一樣,好想去見識吓究竟好似Google或者Facebook呢啲大公司,點解好似咁大規模但公司文化又好正好free咁,但大家又有冇諗過,其實香港都一樣有呢類型嘅企業?

捷榮集團喺香港已經有八十幾年歷史,一直以「啡茶」聞名,2018年仲正式喺香港上埋市,大家都可能會有一個既定印象:超,咪又係嗰啲傳統公司,都係打份「牛工」㗎啦。但今次筆者同佢哋傾完偈之後,先發覺原來香港嘅大公司都可以好新潮。

▲我哋聽吓人稱「捷榮霆鋒」嘅Wyman同啱啱先過probation嘅Jaime傾吓偈先啦~

「冇諗過可以同啲高層咁近」

由台灣到歐洲再喺英國生活過嘅Jaime,入嚟捷榮做marketing嘅原因只得一個:「因為我本身好鍾意飲精品咖啡,又有做開barista,所以我好想知道究竟點解啲大廠嘅咖啡可以咁好賣。」

但入咗嚟唔夠三個月嘅佢又發現咗啲咩呢?

「我冇諗過喺一間咁大嘅公司,原來我係可以拋啲新idea出嚟,然後manager又會幫我一齊砌好份proposal,仲會同班高層拎approval,成件事完全唔似係一間上市公司嘅做法。」

但如果講到同高層嘅「近距離接觸」,點會少得同COO去台灣旅行嘅Wyman呢?

「因為我個post係Tea Trainer啦,主要都係做R&D,所以嗰個trip都係同一班同事跟COO做新產品嘅研發,由HR、Marketing去到Procurement嘅同事都有,成個trip都係不斷去試茶、採茶之類,睇吓究竟每種茶飲同茶飲有啲咩特別咁。」

雖然聽落就好似好爽咁,但其實Wyman都有飲到唔想再飲嘅時候:「我仲有另一個工作係要對啲茶葉做QC嘅,可能要同一款茶飲7、8個sample左右,真係會飲到有少少麻木,所以真係要本身好鍾意飲茶或者咖啡先可以做Tea或者Coffee Trainer嘅。」

▲咁唔知做咗超過15年HR嘅Leo又點睇呢間公司呢?

大公司就一定有hierarchy?

相信大家都覺得呢個係不爭嘅事實,而Leo亦都係其中一個「過來人」:

「之前做過好多間規模比較大嘅公司,好多時都會冇乜say,公司又會有好多layer,可能要過成十層先會上到去管理層;所以睇返呢度個架構真係簡單好多,可能因為班管理層都好後生,個COO又會成日落嚟聊同事傾偈,所以做嘅好多決定都快好多。」

亦都因為班「大老闆」比較後生嘅關係,所以捷榮其中一個新方向,就係想推多啲唔同嘅新project:

「因為捷榮都有成八十幾年歷史,而當公司個revenue咁stable嘅時候,舊嗰套一定會run到㗎,但我哋就會畀好多空間同資源去成立唔同嘅task force,試唔同嘅新project同埋develop新product。」

而Jaime就係其中一個例子,負責喺Corporate Marketing做design、repackaging甚至係rebranding。

▲係咪諗緊呢張相關篇文咩事呢?

原來佢哋其中一樣最開心嘅「工作」係做義工呀,筆者聽完梗係唔信㗎啦,間間大公司都識講CSR,咪又係捐吓錢拎吓「光環」咁,但原來捷榮係會研究間NGO喺邊方間可以直接幫到個社會,再去決定點樣同佢哋合作。

而呢樣嘢就係其中一樣令Wyman好有滿足感嘅事:「公司其實好多時都有搞students sharing嘅活動,咁可能啲學生一開始真係冇乜反應,但當件事去到中後段,可能有啲茶畀佢哋試,整啲特飲畀佢哋,咁佢哋又會有興趣再去知多啲,然後就覺得自己好似都真係影響緊班學生。」

咁講返請人方面,其實啲大公司又會睇咩呢?Leo就話始終都係心態行先:

「我覺得最緊要就係肯學同有熱情,即係你真係要鍾意自己做緊嘅嘢同埋件product,好似Wyman由上一間公司做綠茶,到而家呢邊做紅茶;Jaime由barista過咗嚟做marketing咁,都係因為鍾意呢件事,而其他嘢只要肯學,一定會學得識㗎。」

喺呢個世界上面,無疑係有好多公司選擇因循守舊又不求上進。但其實社會上仲有好多人、好多公司默默努力去改變自己,希望因為咁而影響到個社會。如果你都想成為其中一份子,捷榮又會唔會係你嘅其中一個選擇呢?

後記:事關捷榮有個position係叫Coffee Master,咁筆者就好奇問呀Leo,咁其實即係做咩㗎呢?佢就笑住咁講:「簡單啲講就好似係咖啡界嘅KOL咁囉,可能啲人有任何關於咖啡嘅問題都會走嚟搵你,你又會周圍去宣揚吓咖啡文化咁。」

你又想入去嘆吓咖啡?☕️

Tsit Wing Coffee Co., Ltd's job postings
邊個話香港嘅大企業就一定「食古不化」!?
Nina She
Tsit Wing Coffee Co., Ltd / Business (Finance, HR etc.)
3 Likes
3 Likes

Weekly ranking

Show other rankings