This page is intended for users in Hong Kong. Go to the page for users in United States.

Pickupp:邊個話傳統物流難創新?

撰文:Wantedly編集部

Pickupp — 顧名思義,即喺pick up + app,咁即係點?用創新科技結合城市人嘅mobility幫大家縮短送貨流程, 提高透明度。

由打工族變自己搞生意當然較自由,但三位創辦人坦言做老闆都要承受唔少壓力。(左起) Crystal Pang、Eric San、Paco Chan

明明有「筍」工,都要搞Startup

三位創辦人Paco Chan、Eric San、Crystal Pang以前分別喺唔同公司工作,包括跨國FMCG企業同銀行,一般大學生「爭崩頭」想投身嘅知名企業,點解又會跳出嚟創業?Paco形容創業嘅轉捩點:「喺大公司工作講求按部就班同系統,步伐太舒適反而令我覺得留喺comfort zone係唔係一件好事?當Eric同我提起呢個idea,我即刻就覺得有市場。我曾經為咗氹朋友開心上網買零食想即晚送畀佢,點知揀好哂所有零食之後,網店竟然話無即晚送貨。」雖然Paco無辦法令呢位朋友即時收到佢嘅心意,但造就咗pickupp嘅雛形。

另一位創辦人Eric由跨國獨角獸公司決定自己創業,係因為睇到:「Startup嘅共通點就係喺各行業創造價值同改變,而公司上下由無論係創辦人定係普通員工,都會對喺公司所創造嘅改變充滿熱誠。」佢覺得創立pickupp,就好似砌lego咁,依據公司嘅成長需要每個時期做好一件事,當全部lego裝嵌砌埋一齊嘅時候,就會砌成一間公司,客戶同消費者亦會開始察覺到Pickupp嘅對社會作出impact。

Crystal回流香港後喺投行工作5年之後,亦決定離開comfort zone創業:「幫企業融資併購就好似以第三方角度提供策略,執行一個又一個項目之後慢慢得唔到滿足感。喺香港打工好容易冇咗focus,每日工作14、15個鐘。雖然幫client生意越做越大,但你會開始懷疑份工對社會有咩impact,甚至失去返工嘅動力。」就係因為咁,呢個「鐵三角」就組成咗今時今日嘅Pickupp。

類似公司多的是, Pickupp有啲咩特別?

隨住智能電話越嚟越方便,想買嘢隨時都可以上網買。所謂「物流」就係件貨送到去買家手上嘅過程,大家心目中可能認為係比較傳統嘅行業。Paco認為競爭雖然大,但科技可以帶嚟很多改變:「我哋針對B2B (Business to Business),令商戶同埋消費者有更快、更高透明度嘅體驗。Pickupp幫商戶減低物流成本之餘,仲利用科技提供更多資訊,提升成功送達率及更快將商品送到客人手上。」

Eric認為新型物流有好大發展空間:「其實香港地咁細,一兩個鐘頭已經可以去到大部分地方,點解上網買嘢就要等成幾日先送到呢?」憑住佢以前喺startup工作嘅經驗同人口流動性嘅觀察,佢就諗到用casual labour幫商戶送貨。要順暢而快捷咁將件貨送到買家手上,Eric認為optimization technology直接影響效率,係成功關鍵:「要減低成本就要清楚如何透過電腦嘅algorithm去優化資源配對,例如有個同事去緊一個方向,而間舖頭又喺佢附近落單去順路嘅地址,Pickupp會優先調度呢個同事做埋順路嘅單。」一件貨品要低成本及即日由商戶去到買家手上,其實係由好多algorithm同operation促成。

只要行得走得,你都可以靠Pickupp賺返少少㗎

Startup有苦自己知

經營Startup唔容易,Crystal就話壓力唔單止係對自己嘅事業負責,亦關係到全公司幾廿人嘅事業:「大家坐埋同一條船,如果船長無方向感或組織能力,舉旗不定,船上所有人點可能唔驚!」但見到員工做得開心,有滿足感同成功感嘅時候,所有壓力都係值得嘅。

呢排Paco開始收到同學嘅喜帖請飲,全部5星級酒店擺酒,又開始踏入百萬年薪行列,令佢不禁覺得:「佢哋嘅人生好順利!」不過佢亦直言:「每個人都有屬於自己嘅路,好似馬拉松咁,起步無分快慢,靠意志,亦要搏到底。」Pickupp喺香港發跡,用咗兩年已經進駐新加坡同馬來西亞,未來仲打算喺多一個東南亞國家擴展業務,當然要不斷請人啦!

最近佢哋就不斷招攬Software同Operations talent加入。佢哋認為自己都不斷學習同進步,希望招攬志同道合嘅企業家,最緊要係態度好,好學同有熱誠。Crystal話最緊要唔好被框死,認為「我唔係做開呢行;覺得物流好老土好悶」呢啲諗法,越傳統越守舊,就更需要創新。

Pickupp入面係點樣?

公司只係成立咗2年,員工偏向年輕,但又不乏喺其他公司嚟嘅senior,係一個好好嘅平衡。Paco話公司十分歡迎後生仔提出新意見,討論完覺得可行就會去馬。而至於點解大家都會主動表達意見,Eric話除咗公司氣氛比較開放之外,目標清晰明確同樣重要:「Result-orientated嘅風氣令員工會主動俾意見,邊個畀意見都唔重要,只要大家同意可行就可以達到fast execution。如果實行之後覺得效果未如理想就馬上修正,用最快嘅速度、最少嘅資源去解決問題。」

聽左三位co-founders嘅諗法,員工又點諗?

Pickupp 嘅 senior engineer Lawrence Ho就話:「 Tech Team 要兼顧多方面的工作要求,設計成個系統架構去支持 scalibility,又要不斷透過 sharing 同 code review 去改善 code quality。Coding以外,仲要處理唔同城市的需求同優化產品,過程中接收好多唔同同事嘅requests同feedback。我地亦要花時間研究新科技,因為我地系統牽涉到好多嶄新嘅計算同 Algo ,都唔能夠喺網上 Copy & Paste 。」由 Pickupp 自己嘅派單系統至到無需依頼Google嘅地址剖析,都有自己獨特嘅演算法,睇得出Pickupp 對技術非常重視。

Operations工作就較為繁複, Sunny就話:「首先要確保人手足夠同準時送貨,又要檢查物流狀態係咪正確顯示喺app上面,有時甚至要做中間人,同司機傾完偈之後,通知engineer進一步改善個app。Operations相當有挑戰性,每日都有突發事件,由商戶到司機到買家都有,所以要不時檢查系統穩定性,確保流程準確同暢順。」

兩位都係畢業無耐,點底會揀Pickupp?佢哋就認為份工有好大發揮空間,例如Lawrence大學主修Business同Engineering,而家兩樣都學以致用。Engineering推出每一個key feature都為公司帶嚟進步,同公司一齊成長好有成功感。而且3位co-founders都好open-minded,3位管理方法都唔同,可以分別從3位身上學習。最重要係同事年齡差距唔大,有意見隨時都可以提出。

「呢度冇hierarchy,傾意見個陣就靠數據支持,有咩大家拎出嚟講!」公司成班人仲會一齊去happy hour同倒數,開誠布公得嚟大家又friend底,實行work hard,play harder。

少咗呢班Engineers,就唔會有Pickupp嘅出現喇!

想知Pickupp點樣“make an impact”?可以睇睇下面嘅article喎~

❇ Pickupp招募中!

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!
pickupp's job postings
1 Likes
1 Likes

Weekly ranking

Show other rankings