1
/
5
This page is intended for users in Hong Kong. Go to the page for users in United States.

【Outward Bound一日苦行計劃】③ 原來Outdoor Instructor最重要唔係outdoor skills?

撰文:Wantedly編集部

當體驗完野外攀石之後,大家都趕住去食lunch準備划艇去第二個島,而筆者當然唔會放過呢段時間,即刻去捉住兩位教練——Shaik同Jacki去傾吓偈,幫大家「八」吓如果想做一個Outdoor Instructor要有啲咩條件呀嘛。

▲Shaik(圖左)、Jacki(圖右)

當筆者諗住要成為一個Outdoor Instructor嘅話,最緊要一定係有運動細胞啦,點知兩位都擰哂頭,Jacki就咁講:

「其實要做一個Outdoor Instructor最緊要嘅係soft skills同態度,例如係責任心、同理心、耐性等等,因為呢啲特質先會決定到你適唔適合去帶班啟發人。」Shaik補充:「所以喺呢14日嘅training裡面,會有好多scenarios去俾機會佢哋去表現呢啲特質。」

筆者就好奇問,咁其實呢啲嘢好多都可以扮出嚟啫,就好似好多人去見工咁,都會用最「好」嘅狀態去見HR啦,Jacki就「秒回」:

「平時見工先見得嗰一陣,絕對有機會呃到人,但當你去到野外,又熱、又攰、好似尋晚又落雨咁,好多呢啲情況就會見到一個人嘅本質,所以就算扮都扮唔到咁耐。」

食完個快lunch,原本班划艇當食生菜嘅trainee以為輕鬆划10k,點知Jacki即興挑佢哋機,問佢地一個鐘之內有冇能力同埋Lincoln同Tiffany一齊去到今晚瞓個嗰島,仲叫佢地自己諗下接唔接受呢個挑戰!(筆者嗰兩位同事完唔完成到10k都成問題, 仲要限時?!)

正當啲trainee喺度討論緊點安排,Jacki就靜靜雞話:「出到黎帶班,咩事都有機會發生,你點處理個crisis、有冇顧及學生嘅能力同情緒等等係好重要,至於outdoor skills方面,只要有心學,係一定會學得識,又唔係選港隊,唔需要好叻」。

▲當日嘅天氣真係「伸手不見五指」,你以為呢張係劇照?原來只不過係佢哋嘅日常。

幾經辛苦大家都平安到埗(而筆者就坐快艇去目的地拎定位等佢地),仲比原定時間早咗三分鐘!第一時間緊係睇吓我兩位同事死得未。Lincoln同Tiffany 話其實唔係咁辛苦,不過如果要每日都咁「人在野」就唔同講法啦!

筆者見大家都休息緊,就去問Jacki:喺Outward Bound做咁耐,日日上山下海其實會唔會悶。佢反而話自己喺呢5年時間裡面,冇試過做一模一樣嘅工作:

「我覺得自己第一年都仲係training、第二年就適應緊點樣將啲知識擺喺啲programme度、第三年就真係開始好自如咁用唔同嘅programme去教唔同嘅學生,去到呢兩年先開始接觸埋trainee嘅訓練,所以一啲都唔會悶,仲keep住學到好多嘢。」

至於阿Shaik就比較特別啲,因為佢原本係新加坡Outward Bound嘅instructor,而佢relocate嚟咗香港之後就令到佢見多咗更多:

「我覺我返呢份工最好嘅,係你可以去好多普通人去唔到嘅地方,例如我哋可以划艇周圍去啲島仔,見到好多『大自然奧秘』之餘,仲可以諗吓帶班嘅時候有冇可能share呢啲experience畀其他學生。」

由於苦行當日已經接近佢哋「14日訓練」嘅尾聲,所以阿Shaik同Jacki又點會咁容易放過佢哋呀?

▲正當佢哋執好哂嘢慶祝緊,諗住可以瞓返喺高床軟枕嘅時候,佢哋誓估唔到原來之後仲有個crisis等緊佢哋……

個crisis係咩就唔係度開估喇!欲知後事如何,自問好想啟發人、有耐性、又有同理心嘅話,就快啲碌落去apply,7月16號就截止啦,睇吓你會唔會成為Outward Bound嘅一分子啦!

p.s.(樓下有彩蛋)

▲大家睇吓佢哋嘅表情就知,成件事絕冇造假成份,筆者見到佢哋咁都替佢哋頭痕……

想睇返頭兩集再諗諗?又得姐~😉

Outward Bound仲搵咗班staff講吓點解要做Instructor喎!

Outward Bound Hong Kong's job postings
2 Likes
2 Likes
If this story triggered your interest, go ahead and visit them to learn more