1
/
5
This page is intended for users in Hong Kong. Go to the page for users in United States.

【Outward Bound一日苦行計劃】② Outdoor Instructor =《Man vs. Wild》?

撰文:Wantedly編集部

終於嚟到「苦行日」,筆者天未光就起身出門口,目的就係為咗同一班trainee去經歷一日完整嘅訓練,實行同甘共苦!而今日係呢14日Instructor Development Course嘅第12日,即係班trainee嘅考驗其實已經差唔多去到尾聲。

喺Outward Bound出發,坐快艇大約20分鐘左右就去到佢哋身處嘅吊鐘洲,兩位Wantedly「苦行僧」Lincoln同Tiffany當然好興奮咁落船啦,結果……

▲結果筆者落船一個唔小心,對鞋就入哂水……然後仲要著咗成日(盡情笑啦……)

返返正題先,其實一落船見到嘅就好似《劫後餘生》嘅場景咁,除咗個島上面有好多trainee同埋Wilson唔係度之外。

▲留意返,啲樹枝上面全部都係佢哋啲衫褲嚟,真係好似荒島求生咁。(而佢哋仲叫呢個做「五星級的家」)

簡單介紹完之後,大家就浩浩蕩蕩咁去攀石啦,但原來去攀石之前,就已經要行一條好崎嶇嘅路,唔係你估Outdoor Instructor有咁易做呀?

▲你睇吓Tiffany嘅動作就知有幾難行啦……

去到攀石嘅地點當然就要由兩位教練示範先啦,而一班trainee都好集中咁聽佢哋嘅講解,聽完就梗係要爬啦,分別有三條高、中、低難度嘅course,而所有trainee都務求要體驗哂咁多條路線!

▲睇吓呢班新仔幾集中,所以Outdoor Instructor真係唔係你諗咁易㗎葉師傅~

當大家都爬得七七八八嘅時候,筆者就梗係走去捉佢哋傾偈,睇吓佢哋做咩咁睇唔開入嚟受難啦。首先出場嘅有人稱「野人」嘅Eugene!

啱啱讀完營養學嘅Eugene,明明有份舒舒服服嘅工喺面前,點解要嚟做Outdoor Instructor呢?佢就話Outward Bound同佢嘅信念好相似:

「而家香港嘅年輕人好多都喺城市長大,而野外嘅環境其實可以教識你好多problem-solving、teamwork甚至係自理能力,同喺城市裡面讀書『求分數』所學嘅嘢好唔同,但其實啲soft skills先真正可以令到大家將來喺唔同環境contribute返畀個社會。」

Eugene仲話自己本身就好鍾意睇《Man vs. Wild》,但喺呢十幾日嘅training裡面,佢覺得其實唔係太hardcore。

▲呢個就係一班新人嘅「攀石場」啦,後面隻艇班遊客仲當咗呢邊係「歡樂滿東華」啲表演節目咁……

當問到呢14日辛唔辛苦嘅時候,大家都好誠實咁點哂頭(除咗Eugene啦當然……),但有人就話成個training就好似做gym咁:

「始終城市生活慣,頭兩日實會有啲唔舒服嘅,但之後過多兩日就會開始上癮,我諗最唔慣應該係望到好多靚景,想用手機影低但又冇,於是就會更加珍惜每一刻望到嘅所有嘢。」

(佢哋仲話其實「野外如廁」係一件幾爽嘅事,雖然一開始會打冷震……)

▲話分兩頭,不嬲有玩開室內攀石嘅Lincoln好快就已經征服咗條course,會唔會太輕鬆…?

問返Lincoln佢哋兩個辛唔辛苦,佢哋都搖搖頭,咁當然啦,佢哋又冇經歷過之前嗰11日,今朝仲要係坐快艇嚟,嚟到先攀一攀石,都冇出過啲咩力,轉頭食完個晏划艇就「見真章」啦。

如果未睇第一集嘅大家可以去呢度睇,而下一集將會去到划艇環節同兩位導師嘅吹水時間,記得留意啦!

你都想成為佢哋嘅一份子?即刻報名參加info day先啦!🧗🏼‍♀️

Outward Bound Hong Kong's job postings
3 Likes
3 Likes
If this story triggered your interest, go ahead and visit them to learn more