1
/
5
This page is intended for users in Hong Kong. Go to the page for users in United States.

一啲都唔傳統嘅「傳統公司」

撰文:Wantedly編集部

筆者今次嚟到Ewell Hong Kong Limited,除咗想同大家拆解吓healthcare technology呢一行究竟係做咩之外,仲發現原來喺請人嘅時候,性格同態度真係重要過啲hard skills。

▲(圖左至右)Herman-Business Development Manager、Annis-Manager, Business Analyst、Wendy-Project Coordinator(因為疫情關係,大家都係戴返個口罩先穩陣~)

Healthcare原來內有乾坤?

一開始就梗係搵啲staff吹吓水先啦,事關對於筆者嚟講,一聽healthcare就覺得一定好悶,甚至係層壓式賣保健產品之類,但同三位傾完偈之後,先發現原來Ewell做緊嘅healthcare technology,其實複雜得嚟都幾得意。

Annis話:「因為我哋好多時係幫啲醫院起哂成個system,所以由病人一入嚟、排隊、見醫生、拎藥、甚至覆診都關我哋事。」

所以佢哋負責整出嚟嘅IT system要兼顧哂以上所有步驟之餘,仲要諗埋點樣令到個system簡單易用,令到成個過程越流暢越好。

▲聽啲同事講完,不如睇吓老闆Dennis點解覺得性格同態度緊要過啲skills啦~

性格>技能

Dennis一嚟就咁講:「讀過唔代表做過;做過唔代表識做;識做唔代表做得好。」佢認為而家呢個社會好多技能都可以自學返嚟,無論係coding又好、design又好、marketing都好,但態度呢樣嘢係好難去改變,所以佢先會咁快得出呢個結論。

Dennis:「所以我哋好多同事就算學歷唔係好高,又或者經驗唔係太多,我都會照樣請返嚟。就好似你明明見到呢個人好勤力,所有嘢都肯學嘅時候,點解唔畀個機會佢,而要因為一啲門檻而唔請佢呢?」

當筆者追問落去嘅時候,Dennis就補充:

「咁當然唔係講manger或者senior嘅同事啦,例如你請個manager返嚟,你仲要教返佢做嘢,咁梗係唔ok。但間間公司都會請junior嘅同事,而好多公司都會要求人哋已經有1、2年,甚至幾年嘅工作經驗,咁啲fresh grad又點搵工?」

▲大家知唔知Dennis喺塊板上面畫緊咩呢?

佢就話以前嘅公司structure就好似上面個三角形咁,一層層壓落去,但佢會認為Ewell嘅structure係一個星形:

「一層層咁壓落去,咁最junior啲同事咪成日都做啲瑣碎嘢,又點會有成功感?所以呢度每個同事都會負責唔同嘅project,佢哋自己互相去communicate,再望住自己個project一步一步咁完成,就算係最junior嘅同事,都有機會成為一個project leader,而呢個就係我想令junior都可以發揮潛能嘅方法。」

▲唔講唔知原來呢幅牆係班同事一齊design㗎(咁你就知佢哋間公司一啲都唔傳統啦~)

自己辛苦過,點解要同事受苦?

筆者一入Ewell門口就見到啲partition,就覺得一定係啲好傳統嘅公司啦,但點知作為老闆嘅Dennis唔單止好開明,仲會畀一班同事好大嘅自由度:

「我自己都打過工,我好幸運遇過一啲好老闆,甚至係我嘅啟蒙老師,但當然都做過一啲人事比較複雜的公司。所以我好希望畀多啲自由度大家,亦都畀多啲空間願意投入嘅同事好好發揮。」

正正係因為以前嘅經歷,Dennis就決定咗自己唔能夠變成以前嘅老闆咁:「所以呢度嘅同事個個都可以畀自己嘅意見,無論係product又好、公司policy又好,你一間公司唔創新又或者個老闆唔聽人講嘢嘅話,根本唔啱而家呢個時代。」

佢再補充:「我當返工時間先算啦,呢度原本都好死㗎,但有同事同我反映完之後,而家班同事鍾意幾點返工都得,9點又得,10點又得,咁當然佢哋都要返足8個鐘啦,但起碼令到住得遠嘅同事可以返晏啲先啦。」

而家喺香港嘅 IT 公司,究竟有幾多個老闆會好似Dennis咁畀機會一班「後生仔」呢?如果你都想有一個能夠大展拳腳嘅空間,甚至係一個賞識你嘅老闆,或者Ewell可能會啱你呢?

即刻睇吓啲role啱唔啱你啦!😎

Ewell Hong Kong Limited's job postings
3 Likes
3 Likes
If this story triggered your interest, go ahead and visit them to learn more