1
/
5

雲鋒萬通 ──轉工最緊要搵返自己人生!

雲鋒萬通 ──轉工最緊要搵返自己人生!

每個人都會有唔同嘅原因導致你想轉工,但究竟轉份咩工好呢?甚或如果要轉行,又會應該轉咩呢?

都唔係第一次訪問雲鋒萬通嘅員工,上回講到佢哋已經轉型成為一間全方位科技FinTech公司,理所當然地員工都要跟住轉型啦!想知呢個轉型會為員工帶嚟挑戰定壓力?一齊嚟聽吓佢哋點講啦!


「自己時間自己話事,所以自律喺好重要」

▲(左)Heidi Pang – Branch Manager;(右)Man Wong – Assistant Branch Manager

Heidi同阿Man以前都係做銀行嘅,休息完一排之後決定加入雲鋒萬通,對於佢哋嚟講,最大嘅分別絕對係無咗做銀行嘅約束同規矩!以前返工時間定咗,工作內容都定咗,做啲咩都有明確嘅程序同指引,變相你唔會做多俾公司,亦唔會去試新嘢,但係喺呢到,發揮嘅自由度好大,有好多空間、資源可以試!不過Heidi就表示,因為依家時間係自己話事,所以自律就變得非常重要喇!

作為在職媽媽嘅阿Man,對於公司嘅flexibility 感受就更深喇,以前做銀行,好多時候家長日、運動會都未必能夠出席到,但依家可以自己安排自己嘅時間,可以同小朋友相處。亦都因為呢份工,公司會有唔同嘅活動同training,亦都可以幫到自己去教小朋友,就好似兒童理財、升學等等。


「轉工搵返自己嘅人生」

▲ Vernis Lie – Assistant Branch Manager

同樣係在職媽媽嘅Vernis 就話,覺得轉咗工之後先搵返自己嘅人生,因為時間彈性咗,可以有好多時間去發展唔同嘅興趣,做返好多以前返工錯失咗、無機會做嘅嘢,Vernis就話依家多咗好多興趣,例如瑜珈、健身、行山,亦都上咗好多課程。除左知識層面上得到滿足,仲識多咗朋友㖭!

除咗自己出去發展興趣之外,公司本身都提供做好大嘅support,就好似經常都會做唔同嘅training、workshop,講緊嘅並唔係工作技能上嘅training喎,佢哋之前有教過點樣經營一個social media fan page、建立個人形象、八字風水、甚至點樣做KOL,真係幾乎你講得出嘅都有!真係邊有一間公司會擺咁多資源喺發展同事嘅興趣吖!

咁除咗幫同事發展佢地嘅興趣同技能之外,工作上嘅進修當然都唔少得喇!上一篇都提到美國萬通(Mass Mutual)畀雲鋒金融收購咗之後,已經轉型成為一間全方位科技FinTech公司。隨住公司轉型,同事都當然要跟住Upgrade自己啦!話說筆者上去同每個同事傾計,嗰個都話自己正在密鑼緊鼓考緊證券牌。見到同事們咁努力,公司當然唔單止會俾support啦,已經考到嘅同事又會share自己嘅經驗同心得㖭!

講到最後,如果你都想喺工作上有啲突破同改變,佢哋依家仲好積極咁請緊人㗎,有興趣就快啲click入去佢哋個job post睇吓啱唔啱自己啦!


Ultra超世代 Region's job postings
If this story triggered your interest, go ahead and visit them to learn more