1
/
5

雲鋒萬通 ── 搵錢最緊要搵得開心!

撰文:Wantedly編集部

相信大家好認識雲鋒萬通呢個名,但其實自從2018年,美國萬通(Mass Mutual)畀雲鋒金融收購咗之後,佢哋已經轉型成為一間全方位科技FinTech公司,亦因為咁,佢哋嘅主要業務喺嚟自投資產品同財富管理金融產品,例如基金等等嘅投資。所以筆者今次就搵咗雲鋒萬通嘅區域總監Wilson,講多啲呢間公司嘅發展畀大家知!

▲ 同大家介紹返:Wilson~

「做幾多就會拎得返幾多」

明明喺Toronto讀書做嘢,筆者就好奇Wilson當初點解會返香港:「我06年喺Toronto返嚟香港嘅,原本喺嗰邊都做咗銀行幾年,但發展空間同升職機會有限,就算上面有位都唔會升你,純粹因為你係華人,所以就返返嚟香港發展。」

初初返嚟香港嗰陣,有好幾間銀行都有畀offer Wilson,話哂都係外國回流,但Wilson就偏偏選擇入呢行,因為佢鍾意呢行夠「均真」:

「大部份工都係人工佔好少,間公司就賺好多,但喺呢度起碼多勞多得,跑到條數份bonus又大,你sell嘅product又真係幫到人,就真係純粹睇你有幾畀心機落去做。」Wilson唔係吹水㗎,佢嗰陣時做咗2年已經上咗MDRT,6年升6級,成為當年萬通最後生嘅區域總監。

▲ 筆者親身目擊training workshop現場!

「最緊要大家做得開心」

咁後生就做咗區域總監,Wilson對於管理自己嘅團隊當然有一套學問啦:

「工作上我哋會畀好多support一班同事,無論係training、resources、彈性返工時間等等,我都會盡量滿足一班同事。」

除此之外,公司因為轉型之後,當然都有好多support畀佢哋啦,除咗唔同嘅mobile app同iPad畀clients同埋佢哋自己人用之外,亦都develop咗好多金融產品畀佢哋去sell,由基金去到證券、融資、債券都有,所以佢哋公司嘅主要收入來源早就已經係嚟自金融產品。

但講到flexibility,Wilson就話:「我哋條team有好多MDRT,其中大部分都係在職媽媽,因為佢哋想搵份full-time嘅收入之餘,但又想照顧到小朋友,而呢度就正正滿足咗呢個條件,事關佢哋可以自己安排時間,令佢哋可以work-life balance 。」

另外,佢哋條team有好多人都係銀行轉型過嚟,因為佢地本身已經有相關嘅經驗同專業知識,加上雲鋒萬通又有全面嘅金融產品,可以令佢哋得心應手做得更好,發展空間較大。

▲ Training workshop「主腦」:理財教練 Alvin Lam(唔知大家有冇睇開佢啲財經專欄呢?)

悉逢筆者訪問當日,好出名嘅理財教練 Alvin Lam就上咗嚟幫一班同事上堂,但原來除咗佢係常客之外,Wilson仲請咗好多人上嚟coach班同事㗎:

「每個星期除咗Alvin之外我哋仲有請過林以諾牧師啦、唔同嘅專科醫生、品酒師甚至MBTI trainer都會上嚟做workshop,而呢班trainer都會教大家唔同嘅專業知識,令到佢哋建立多啲唔同話題,主要都係想班同事學多啲唔同嘅專業知識,等佢哋見客都順利啲先。」

亦因為成班同事每個禮拜都會一齊上training,所以一班同事早就變成咗好朋友,Wilson補充:「我哋平時搞好多親子活動,等同事同客人可以一齊參加,享受天倫之樂。」

▲ 睇吓佢哋上workshop幾專心~

「最想grow大啲條team」

Wilson咁講並唔係純粹想請人咁簡單,因為佢只係將個事實講咗出嚟:「因為雲鋒萬通喺香港唔大,又唔係太多人識,所以我哋好想搵多啲人才加入我哋,咁間公司先會多啲人認識。」

除咗職場媽媽之外,雲鋒萬通有啲咩吸引啲其他人join佢哋呢?Wilson就咁講:

「其中一group我哋最想要嘅專業人才,就係做開銀行出身嘅人,我當係RM(Relationships Manager)先算啦,你要跑嘅數係少10倍,但底薪我哋可以畀多3倍你,如果你keep住hit到target嘅,除咗每個月會有bonus同commission呢啲基本嘢之外,我哋仲會出足18個月糧畀你。」開得出咁優厚嘅條件,你就知Wilson幾想做大條team啦。

做開銀行就話啫,咁冇做開銀行又入唔入得嚟做先?Wilson就話歡迎都嚟唔切:

「其實我哋都有唔少中小企嘅老闆加入我哋,可能佢哋本身生意唔係太好,但又唔想出返去打工,所以就會帶埋成間公司as a team咁加入我哋,咁佢就可以繼續同本身條team一齊努力。」

如果大家有心睇到呢度,就證明你都有興趣想入去做啦,既然係咁,就快啲click入去佢哋個job post睇吓啱唔啱自己啦!


Ultra超世代 Region's job postings
1 Likes
1 Likes
If this story triggered your interest, go ahead and visit them to learn more