1
/
5
This page is intended for users in Hong Kong. Go to the page for users in United States.

雲鋒萬通──就係「疫市」先要擴充!

撰文:Wantedly編集部

經歷咗過去呢一年幾咁艱難嘅時間,見到咁多公司裁員甚至做唔住,但今次筆者就搵嚟一間「疫市」都繼續expand嘅公司,證明畀大家睇:前路茫茫可以由你創!

▲ 即刻捉個前國泰空姐──Szeci,嚟傾吓偈先~(照片由Ultra Region提供)

「唔試又點知得唔得呢?」

相信大家都知早排國泰大裁員,而Szeci就係其中一個「受害者」:

「嗰陣其實都好lost㗎,點知又有朋友介紹呢間公司畀我,問我有冇興趣做,於是咪考慮吓。」

做咗咁多年空姐嘅Szeci,一開始當然有卻步啦,畢竟又唔係做金融出身,但佢就咁講:「我覺得每個人要轉行點都會唔適應,但我自己了解完之後,就諗:既然係咁,不如試咗先啦,反正又冇嘢輸。」

Szeci仲話入咗嚟之後,公司真係畀無限量嘅support佢:「啲training除咗會講product info、sales technique呢啲基本嘢之外,仲會教好多專業金融知識、形象管理、甚至lifestyle嘅嘢都會教埋。」

▲ 同新入職嘅同事傾完,一於搵埋分行經理 ── Addison傾兩句啦~(照片由Ultra Region提供)

一個好上司真係好緊要

喺澳洲回流嘅Addison,本身讀完會計又唔想做會計師,返到嚟香港反而走咗去做物業公司,做做吓仲自己開埋間海外物業公司㖭,既然係咁又點解會入咗嚟呢度既?

Addison話:「其實我同老闆Wilson喺2014年就識,一路都覺得喺佢身上學到好多嘢,例如佢點樣manage間公司。」

關於management,佢就話喺呢度做嘢嘅lifestyle唔單只似返個人,仲有好多額外嘅benefits:「例如你只要交到數,Wilson係會畀足錢你一年去四次旅行,就算唔講啲咁『遙遠』嘅嘢,最起碼大家可以舒舒服服食埋個早餐先返工、鍾意做義工又可以隨時去、平日又會多好多時間做自己嘢,

所以佢諗諗吓,就索性帶埋佢自己公司嘅人,一齊入咗嚟呢間公司,由零開始重新出發,即使大家個年齡層唔同,但大家都會一條心做大呢間公司!

▲ 返到office對住呢個景做嘢都咪話唔爽……

對於佢嚟講,呢間公司嘅culture係佢覺得最犀利嘅一件事:「最犀利係大家做嘢好chill之餘,但又會好專業咁做到自己嘅份內事,Wilson又唔使點樣chur我哋,大家自律得嚟又會一齊出去玩,有傾有講咁好舒服。」

Addison仲話喺疫情之前,佢哋會成間公司一齊去船p呀、旅行呀,老闆又會時不時同班同事一齊入馬會食飯呀,真係聽到都「葡萄」……

講咗咁耐,其實筆者都係想同大家講,就算出面個市有幾差、幾多人畀老闆炒都好,總會有公司不斷做得大之餘,仲畀到好舒適嘅工作環境班同事。如果你都想搵個又free又chill嘅工作機會的話,即管睇吓佢哋啱唔啱你啦!

Ultra超世代 Region's job postings
If this story triggered your interest, go ahead and visit them to learn more