This page is intended for users in Hong Kong. Go to the page for users in United States.

BlueMeg:香港係一個充滿可能嘅地方

撰文:Wantedly編集部

相信大家都未必聽過BlueMeg呢個名,但喺2年時間裡面,佢哋已經由新加坡發展到嚟香港,而家仲打算喺度招兵買馬,玩串個party!

但想請人都要畀人知佢哋咩料㗎:BlueMeg喺2017年由新加坡開始「打天下」,主要做B2B嘅corporate service,你以為佢哋係人手幫啲客做嘢?咩年代呀?BlueMeg有自己develop嘅programme去幫唔同公司automate好多瑣碎又緊要嘅工作,例如payroll、bookkeeping、甚至secretarial service都有!

▲原來老闆阿Paul係打機打到發達?

「喺香港乜都有可能發生」

身為BlueMeg嘅Co-founder同CEO,阿Paul原來喺16歲就已經開始創業:

「細細個我好鍾意打機,所以就開始接觸programming,嗰陣仲幫自己間學校整咗個system出嚟,點知佢哋唔要,但有第二間學校想買,咁就賣咗畀人,諗返起都幾好笑。」

阿Paul仲決定喺大學畢業之後連畢業禮都唔去,就離開荷蘭去新加坡闖一闖,結果一走就到而家:「喺新加坡做咗2年半嘢,再嚟到香港到而家都3年,開始覺得香港先係自己屋企,加上喺香港真係好似咩都有可能咁,尤其是係做生意方面。」

筆者好奇問阿Paul係咪打算喺香港落地生根,佢就笑住咁講:「梗係唔得啦!啲樓咁貴!」

咁講到請人,佢睇嘅又會係啲咩呢?佢就只係講:base on who you are but not what you are。既然阿Paul覺得性格咁重要,佢又會想個人有啲咩性格呢?

「最緊要係唔怕錯,做咗先算,因為fine tune可以之後再慢慢做,但如果你一開始連試都唔試,咁其實咩都唔會改變到。」

▲即刻搵個新嘅software engineer同事出去露台傾吓偈先!

「終於有人聽自己講嘢」

點解Danny會咁諗呢?因為佢以前做過幾間公司嘅intern都幾傳統,但嚟到BlueMeg就「一天都光哂」:

「講緊我啱啱入嚟嘅時候,佢哋已經問我想做front end定back end,畀好大自由度同時間我,我又會參與諗啲新嘅idea,可以試新嘅language,同之前做過嘅大公司好唔同。」

咁Danny又會想自己嘅新同事係點,相信大家都估到啦:「都係肯試新嘢同聽人講嘢囉,因為我自己有啲engineer朋友就好固執嘅,永遠都係覺得自己嗰套啱哂,結果又唔肯試其他approach,變咗會好難溝通。」

筆者仲偷偷哋問Danny覺得呢度返工點,佢就話雖然呢度office有啲遠,但返工又唔使太準時,有15分鐘「走盞」位,啲人又好,所以so far都做得幾開心咁話。

▲跟手就搵埋UI/UX Lead,William(左一)講兩句先~

天生要做「開荒牛」

唔好睇William係黃皮膚就以為佢係local,其實佢係英國土生土長㗎:「我爸媽都係香港人嚟嘅,但我就喺英國出世同長大,嗰陣喺英國做咗7年嘢,識咗而家個老婆,就決定一齊嚟香港發展吓,一嚟就已經16年,聽同講廣東話都ok嘅。」

喺大公司打滾過咁多年,William原來幾乎每次都係做「開荒牛」:

「我差唔多每次都係入去帶一條新team,可能因為我做UI/UX啦,喺香港都比較遲先開始普遍,所以就每次都係入去請一班新人,再帶住佢哋一齊做,今次喺BlueMeg都係咁。」

做過大公司,薪高糧準又舒舒服服,點解要跳返出嚟startup呢?佢就咁諗:「因為UI/UX真係好講你創意,但大公司太傳統,個環境同氣氛其實會令到你好難去『創作』,加上又有好多approval要做,搞到你自己都好似『綁手綁腳』咁。」

但咁多間startup做FinTech,BlueMeg又有咩咁吸引William?

「第一樣係我覺得阿Paul好誠實,嗰陣第一次見佢,佢就直接講間公司同個programme有咩問題,話自己冇咁嘅能力去解決呢啲問題,唔會扮哂嘢咁。其次就係呢度啲人好diversed,local同expat都有,咁我自己又咁啱夾咗喺中間,所以咩都有啲就好舒服。」

但如果係講成間公司嘅風氣,佢就覺得呢度做嘢好relaxed之餘又好professional,最緊要係大家會好肯聽新ideas,而佢覺得做UI/UX其中一樣最緊要嘅就係「trial and error」,推咗出去先再睇吓users反應係點,所以係BlueMeg所有嘢都行得好快。

喺而家呢個社會,你可能會覺得:反正都冇希望㗎啦,是但啦……但既然一班外國人對呢個地方都仲咁有希望,仲想將香港視為佢哋嘅家,大家作為local又點可以絕望?或者你哋入到去呢間公司,佢哋又會畀到新嘅希望你呢?

後記:原來筆者去訪問BlueMeg之後嗰日,佢哋就要成班人飛去新加坡office,又可以去見吓一班international嘅同事,順便又可以玩吓,真係諗起都爽…

你都有興趣呀?

Bluemeg (Hong Kong) Limited's job postings
3 Likes
3 Likes

Weekly ranking

Show other rankings