This page is intended for users in Hong Kong. Go to the page for users in United States.

Dear FG仔女:仲未諗到條路點行、唔想隨波逐流?聽吓過來人點講啦!

撰文:Wantedly編集部

有人話畢業即係失業。望住搵工網站嘅Post,全部都要求有一至兩年經驗,Fresh Grad嘅同學仔真係頭都痕埋⋯⋯

喺美國大學畢業嘅Jane Su話你知:呢個世界係有清泉㗎!唔係間間公司都對職場新鮮人咁Harsh嘅,就好似幫過無數國際企業嘅「解難專家」AlphaSights咁!Fresh Grad?冇問題!唔知自己Career Path點行?冇問題!未清楚自己興趣係乜?都冇問題!

Jane Su, Client Service Associate

「AlphaSights?咩公司嚟㗎?」

AlphaSights係一間專家網絡公司,幫客戶同相關嘅專家聯繫起嚟,加速佢地嘅業務發展或者決策過程。同坊間嘅Consulting Firm唔一樣,佢著重嘅係「溝通」,了解完客戶面對嘅問題,AlphaSights就會Line-up有關方面嘅專家,幫佢地安排進行訪談,解決問題根源。佢哋嘅客戶主要都係投資公司,或者策略諮詢公司,當中仲有好多係世界500強嘅企業𠻹~

AlphaSights嘅香港Office除咗入面靚,連外面嘅景觀都一流㗎(當然最重要係有班做得嘢嘅員工!)

「我啱啱畢業,乜都唔識㗎喎!」

AlphaSights請人除咗睇學歷同讀書背景,都好著重Soft Skills。例如求職者嘅溝通技巧、分析能力、學習能力等等。做Client Service嘅Jane係讀Finance出身,但嚟到呢度,做嘅嘢係同客人溝通,了解佢哋面對緊咩問題,再搵個合適嘅專家畀佢哋~咁睇嚟⋯同佢讀嘅嘢完全冇關係喎!不過Jane Su就話:「其實大學讀咩科對之後工作嘅影響冇想像中咁大,最緊要謙虛受教,咁樣就會學得快同不斷進步!」

「公司會點教新同事嘢先?」

AlphaSights有條Learning & Development Team,幫新入職嘅同事渡過適應期。一開始會有為期兩星期嘅Classroom Training教同事做嘢嘅技巧,之後既三至五個月就係On Job Training,同你嘅Trainer拍住一齊做Project!有人照住,就算做錯,或者有甩漏都唔使怕。不過最重要都係要盡心盡力!

Joanne Lee, Recruitment Manager(左)Carrie Li, Recruiter(右)

「聽講呢間公司好Young㗎喎!」

正正因為公司好多Fresh Grad同事,所以工作氣氛十分年輕,夠晒活力!平均年齡都只係25-26歲,成班同事同聲同氣,實唔怕有代溝~

公司仲有好多唔同種類嘅零食同啤酒畀同事任食任飲!梗係啦,食飽先有力氣開工㗎嘛!做到悶悶哋?冇問題!叫埋幾個Teammates打返場乒乓波先囉,再唔係嘅,篤波都一樣得!每年公司仲會請同事去旅行,上年先去完韓國食泡菜,今年仲去埋上海食小籠包𠻹呀~Yeah~

好後生好有ENGERGY呀~~~

「呢間公司會為員工打開唔同行業嘅大門~」

當你喺AlphaSights做到咁上下,高層就會坐低同你Review,傾吓工作表現之餘,仲有你之後喺公司嘅發展。想升職加薪又得,或者搵機會去其他Team試新嘢亦得!Jane話呢度同傳統嘅大公司好唔同:「公司好重視員工嘅成就感,唔會一味彈你做得差,相反會畀合適嘅建議你,等你不斷進步!」就算轉公司都唔怕,一樣可以學以致用,將學到嘅嘢應用落新公司~

做得職場新鮮人,對自己嘅前景感到迷惘係好正常嘅。邊做邊學邊諗下自己想點,未嘗唔係一件好事黎嘅~再加上⋯AlphaSights福利又好,仲會幫大家發掘專長同建立Career Path,聽落真係冇理由唔Apply喎!

睇吓仲有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!
AlphaSights's job postings
4 Likes
4 Likes

Weekly ranking

Show other rankings